Ni JEEPY P. COMPIO
USA ka lalaki ang gibalhog sa selda sa San Pedro Police Station human nag-wild sud sa kuwarto sa usa ka motel kay wa misugot ang duha ka babaye nga makig-sex kaniya tungod kay lagi pisot siya.
Gilayong gikarga sa mobile patrol sa kapulisan si alyas Romnick, 30, taga Taragona, Davao Oriental sanglit nagmaoy siya sud sa kuwarto sa Motel ala 1:30 kagahapon sa kaadlawon, Huwebes, sa dalang Claro M. Recto, dakbayan sa Davao.
Subay sa blotter nga natala ni Police Officer 2 (PO2) Perfecto U. Tuloy Jr., duty desk officer sa presinto dos, nasayran nga nanawag og pulis ang manager sa motel nga si Joselito Subala, gumikan sa report kaniya sa room boy.
Giingon nga nadunggan sa room boy nga gipangbuak na ni Romnick ang mga gamit sud sa kuwarto nga iyang giabangan ug nangalisang na ang duha ka babaye nga iyang kauban.
Nasayran nga hilabihan ang kasuko ni Romnick gumikan di na mosugot ang duha ka babaye nga makighilawas kaniya human makita ang iyang kinatawo nga wa matuli.
Sumala sa mga babaye nga di na nila iuli ang nasabutan nga tag P500 matag usa kanila kay gisulod na sila sa kuwarto.
Dugang nilang gikanayon nga miatras sila sa sabot nga ilang lipayon ibabaw sa kama tungod sa kataw-anan niyang kahimtang.
Kagahapon sa buntag, giingon ni Romnick nga di siya pisot pinaagi sa pagsulti nga nagpalusot lang ang duha ka babaye aron di mahinayon ang bugno nila sa kama.
Dugang pa niya nga nagtuo ang duha ka babaye nga pisot siya gumikan dugay mitindog ang iyang kinatawo tungod sa kahubog.
Bisan pa man niini, gipriso gihapon siya sa tagdumala sa motel, buhian lamang siya kung mabayran na ang nangabuak nga gamit sud sa kuwarto.
Giandam na sa kapulisan ang kasong alarm and scandal batok kaniya ngadto sa korte.
Gipatik sa mantalaang Superbalita Davao Enero 22, 2016.
Linkback:
https://tubagbohol.mikeligalig.com/index.php?topic=81770.0
