Matod ni Arnel Pura, NBI 7 special investigator, nga usa ka Choi, kinsa usa usab ka Koryano ang leader sa maong grupo sa Sugbo apan padayon pa kini nga gipangita.
Nasayran nga Marso 1, Miyerkules dihang aduna’y 10 ka Koryano ang na-monitor sa asset sa NBI 7 nga naabot sa Mactan Cebu International Airport kinsa gisugat sa duha ka mga Korean guides niini nga naila nga sila si Andy ug Kim.
Gidala ang mga Koryano nga turista sa beach side hotel sa Marigondon, dakbayan sa Lapu-Lapu.
Nasuta usab nga usa ka Alvin, Koryano, ang nangabang sa maong beach house nga eksklusibo sa mga Koryano.
Sa surveillance sa NBI 7, nasayÂran nga upat ka menor de eÂÂÂdad ang lakip sa giabangang mga babaye apan dihang nahinaÂbi na sa maong ahensiya, di diay.
Human sa mga impormasyon nga nakuha sa ahensiya ug sa koordinasyon sa Provincial WoÂmen Commission (PWC) ubos sa buhatan ni Cebu Vice- Governor Agnes Magpale, nihimo og rescue operation ang NBI 7 diin pito ka mga babaye nga biktima sa trafficking ang na-salbar.
Dugang ni Pura nga bisan kon wala sila’y search warrant apan tungod kay nanug-an ang mga babaye nga binayran sila, gipusasan sa agents sa ahensiya ang mga Koryano.
Nasayran nga usa ka Maribeth Bontog, kinsa padayon karon nga gipangita, ang nagkuha sa mga babaye.
Aduna’y bayad nga P2,000 matag adlaw ang mga babaye, diin kuyog kini sa mga Koryano sa tibuok bakasyon niini sa Sugbo.
Gibutyag usab ni Pura nga siyam kini ka babaye, apan naÂnguli ang duha atol sa operasÂyon hinungdan nga pito ra ang na-rescue nga mga residente ra usab sa Mandaue ug Lapu-Lapu.
Ugmang adlawa, Lunes, hingÂpit nga pasakaan og kaso sa City Prosecutors Office sa dakbayan sa Lapu-Lapu sila si Bontog, Choi, Andy ug Kim alang sa large scale syndicated human trafficking diin kalapasan sa Republic Act 10364.
Gipatik sa mantalaang Superbalita Cebu Marso 05, 2017. Linkback:
https://tubagbohol.mikeligalig.com/index.php?topic=85963.0
