MikeLigalig.com

Coast Guard duha na  ka
Estasyonan dinhis Bohol

TAGBILARAN CITY, Bohol, Dec 16 (PIA)—Kay nabahin na sa duha  ka estasyonan sa Philippine Coast Guard (PCG) ang Bohol, mahimo na nga isipon nga mas paspas na ang pagpatuman sa mga mandatus sa duha n aka bahan nga magtutok sa usa  ka isla nga lalawigan.

Niadtong Disyembre 11, gihimo ang pagtugyan sa mandu ug paglingkod sa pwesto sa duha n aka mga Coast Guard Station Commanders sa Eastern Bohol Station nga naglangkob sa Talibon ganid sa tanang lungsod paingon sa Jagna ug sa Western Bohol nga maglangkob sa Garcia Hernandez tadlas sa mga lungsod nga nagtamak sa dagat paingon sa Getafe, segun pa sa kasayuran gikan sa PCG.

Mismo si PCG Commodore Joseph Badajos, ang bag-o lamang nga minglingkod nga Coast Guard District Central Visayas Commander ang mingsaksi ug mingpatuman sa pagtugyan sa pwesto.

Sugod usab niadtong Disyembre 11, ang kanhi hepe sa Coast Guard Station Bohol nga nga Lt. Patrick Jonh Cabasag mao nay moasumir nga hepe sa bag-ong Coast Guard Station Eastern Bohol ug temporary nga magbase na sa Jagna.

Sa lain nga bahin, si Lieutenant Junior Grade Tristan Jener Erediano usab mao na ang mi-asumir isip Station Commander sa Coast Guard Station Western Bohol ug kini dinhi magbase sa PCG Tagbilaran.

Subay usab niini, mapaabut nga mas dali na ang pagresponde sa mga tinugyanan sa Coast Guard sa mga illegal nga patigayun sa kadagatan kay may mas duol nga nga coast guard station nga kagikanan sa mga tinugyanan nga tigpatuman sa balaod.

Usab, hinayhinay na nga nagpadala ang Coast Guard Central Visayas District sa mga floating assets ug mga sakyanan sa dagat ug kamad-an alang sa mobility sa ilang mga tawo nga mopatuman sa balaod.

Dungan usab niini, nagpadayon karon ang pagpatuman sa una na nga gilaraw sa PCG nga magtukod og mga detachment sa mga Coast Guard sa mga kalungsuran isip dugang pwersa sa mga kapolisan nga makapatuman sa mga balaod sa dagat u gang kaluwasan samtang naa niini. (rahc/PIA-7/Bohol)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91890.0