NASAKITAN ang usa ka adunay deperensiya sa panglawas kon Person With Disability (PWD) human wala pasakya sa usa ka drayber sa pasaheroan nga dyip niadtong Huwebes ning dakbayan sa Cagayan de Oro.
Ang biktima nga nagpatala naila nga si Medream (bansagon gipugngan).
Samtang ang nakuha lamang niini ang numero sa dyip nga nagdala sa plaka nga KVJ-620 Lapasan liner.
Sa pakighinabi sa Sun.Star Superbalita ngadto kang Medream gibutyag niini nga buot lamang niini nga makakat-on usab ang mga drayber nga susama niadto.
Gidugang pa niini nga nasakitan siya tungod kay wala man lang kini mirespeto kaniya bisan kon mobalibad lang og tarong.
Nainsulto ug nasakitan kini kay gawas nga adunay deperensiya sa panglawas ilabi na nga maglisod kini sa paglakaw aduna pa kini karga nga tunga sa sako nga rambutan.
Gidugang pa usab nga kon dili kini magpasakay bisan na lamang nga tarungon na lang unta sa pagbalibad. (KCS)
Gipatik sa mantalaang SuperBalita Cagayan de Oro Septembre 19, 2015.
Linkback:
https://tubagbohol.mikeligalig.com/index.php?topic=81023.0
Topic: Person with disability wala pasakya sa dyip (Read 607 times)