Samtang, giangkon ni Milan nga duna siyay mga project sama sa pagpadala og mga sabon sa mga bata apan wala siya mangolekta og kuwarta subay sa pasangil ni Daroy.
“Tinuod na Sir nga mo-require ko sa mga bata nga magdala og sabon para sa ilang experiment sa laboratory sa Science, kanang kwarta Sir dili tawon na tinuod oy..†hugot nga panghimakak ni Milan
.
Taliwala sa kontrobersya, si Milan nangayo og pasaylo sa mga ginikanan ug mga bata.
“Moangkon gyud ko Sir nga ako na sayop ug sipyat, mao bitaw nga ako giingon nila nga tawo ra man sab ko nga masayop duna limitasyon, nadala pud ko sa akong emotion,†mapaubsanong pulong sa maestra.
Nagduda ang gireklamong magtutudlo nga giinitan siya sa ubang ginikanan human masagmuyo ang mga iladong pamilya nga wa ma-honor sa klase.
Si Milan lumad nga taga Barangay Pardo sa siyudad sa Sugbo ug pito na ka tuig nga nahimong magtutudlo ug matag semana mobiyahe kini paingon sa Moalboal ug walo usab kini ka buwan nga mabdos.
Tinguha karon sa PTA sa tunghaan nga pabalhinon og laing eskwelahan si Milan.
Gisuwayan og kuha sa iyang habig si Helen Cabales, Teacher In-Charge (TIC) sa eskwelahan apan dili kini makontak atol ning pagsuwat.
Gipatik sa mantalaang SuperBalita Cebu Hulyo 27, 2015.
Linkback:
https://tubagbohol.mikeligalig.com/index.php?topic=80604.0
