Ni Romeo T. Limpangog, EIM (Banat) | Updated October 18, 2015 - 12:00am
CEBU, Philippines – Patay nga napalgan ang usa ka 63 anyos nga lalaki nga gituohang natagak sa pangpang nga gikubkob sa quarry diha sa barangay Dunggoan, dakbayan sa Danao.
Si Senior Police Officer 3 Rodrigo Roble Jr. nga maoy nakatubag sa alarma miila sa namatay nga si Camilo Villarin Diamante, nagpuyo sa maong dapit.
Matud pa ni Redoble, si Dr. Eric Echavez medico legal officer sa maong dakbayan nisusi sa patay’ng lawas sa biktima ug mideklarar niini nga patay na.
Gituohan nga naglakaw ang biktima sa ibabaw nga bahin dihang aksidente kining natagak ngadto sa lungag nga agi sa gikubkob nga anapog.
Usa ka Roel Canoy, 30, ug mga kauban nga taga barangay Cabangahan sa maong dakbayan maoy nakakaplag sa patay’ng lawas sa biktima. (BANAT NEWS)
Linkback:
https://tubagbohol.mikeligalig.com/index.php?topic=81186.0
