NATAPTAN og venereal disease ang lima ka mga menor de edad nga niakusar sa usa ka sakop sa Cagayan de Oro City Police Office (Cocpo) nga ning-abuso kanila.
Kini ang gibutyag sa usa ka tinubdan nga duol sa giingong mga biktima ngadto sa Sun.Star Cagayan de Oro.
"It's been really horrible for them (the victims). They thought all the abuses had already ended with the arrest of the suspect," matud sa source.
Ang pagkadiskobre nga naangkon sa mga biktima ang sexually transmitted diseases (STD) nakapataas sa psychological trauma, butyag sa laing tinubdan.
Ang mga tinubdan niini pulos naghatag og hinabang ngadto sa mga biktima hinungdan nga naghangyo sila nga dili magpa-ila alang sa ilang seguridad.
Samtang si Regional State Prosecutor Jaime L. Umpa nikompirma sa pamahayag sa tinubdan ug niingon nga ang support group ang nagtabang sa mga batan-on sa ilang pagpatambal.
"They're still undergoing medication until now. Based on the medical examination, they have contracted STD," matud ni Prosecutor Umpa sa Sun.Star Cagayan de Oro.
Ang lima ka mga batan-on una nang nipasaka og kaso nga eight counts of sex abuse ug two counts of rape batok kang Police Officer 2 Lonie J. Rementizo.
Si Rementizo pinaagi sa iyang legal counsel nga si Alejandro Jose C. Pallugna nihimakak sa maong alegasyon.
Nasikop si Rementizo atol sa entrapment operation gawas sa usa ka motel niadtong niaging bulan apan nakapiyansa og P120 mil alang sa iyang temporary nga kagawasan. (ALR/SSCDO) - Sun Star CDO
Linkback:
https://tubagbohol.mikeligalig.com/index.php?topic=33175.0
