Banat News
Ang minatay nga gihatud paingon sa sam-ang nga gisakay sa usa ka trak de karga nga nadisgrasya didto sa barangay Balao, lungsod sa Barili gibasol sa iyang anak.
Si Josefina Recaplaza, anak ni Tranquilina Emit, nga maoy gihatod ngadto sa menteryo niadtong Huwebes, nagkanayon nga kun wala pa unta ang patay’ng lawas sa iyang inahan isakay sa de karga dili unta mamatay ang iyang duha ka anak ug pagkaangol sa laing usa.
Si Recaplaza maoy inahan ni Rosendo ug Jimmy Recaplaza nga nakalas usab sa maong hitabo, samtang ang lain niyang anak nga si Christian, nasalbar sa maong trahedya apan angol.
Nasayran usab nga human maligid sa lupot ang de karga kay nawad-an og preno, diin namatyan og 10 ka pasahero ug 50 usab ang naangol, gibalhin og laing sakyanan ang lungon ni Emit niadtong higayona, apan gidimalas gihapon ang nahisgutang sakyanan kay nasunog kini sa karsada gumikan sa short circuit.
Linkback:
https://tubagbohol.mikeligalig.com/index.php?topic=47608.0
