MikeLigalig.com

Ni Romeo T. Limpangog ug Bong Soriano (Banat) | Updated February 2, 2013 - 12:00am


CEBU, Philippines - Namatay ang 4 anyos nga batang lalaki human  kini  maligsi      sa sakyanan  nga gimaneho sa usa ka pari nga mopaingon unta sa pagmisa sa simbahan ni Senior Santo Niño sa barangay Paknaan, dakbayan sa Mandaue  alas 6:00 pasado sa miaging gabii.

Ang  biktima mao  si Trisvaunche  Litrago, 4, nga nagpuyo sa maong dapit, samtang  ang Mitsubishi pick-up   nga  nakaligis  gimaneho  usab  ni  Padre  Lucio  Dayag,   55,  property  custodian sa University    of  San  Carlos,Talamban   Campus sa dakbayan sa Sugbo.

Si PO2 Ruben  Serdena sa traffic division sa  Mandaue City Police Office  (MCPO) nga nahinabi  sa Banat  News miingon  nga mikuyog ang biktima sa iyang inahan nga nagkugos usab sa manghod niini  kinsa  nagpaingon  nga  motambong  sa misa alang  sa pista ni Senyor Santo Niño karong Domingo.

Matud pa ni PO2 Serdena  nga sa pagsulod nila    sa compound sa simbahan wala na guniti sa inahan ang biktima.

Gumikan  sa kalipay  sa bata  giingong  naglumpayat  kini  ug naglukso-lukso  sa yuta samtang  gihapak  niini  ang  iyang  duwaan  sa yuta.

Apan matud    pa nalagpot  ang  maong  duwaan busa  gigukod  kini  sa  bata   aron kuhaon didto  dapit  sa gate  sa compound  sa simbahan.

Midugang   si PO2   Serdena nga sa pag-abot  sa bata   ngadto  sa gate natayming usab   nga maoy   pagsulod sa sakyanan ni Padre Dayag ug bisan nag-aginod   ang dagan niini  wala  masayri  sa  pari  nga  napasok diay  ang  biktima sa ilawom sa sakyanan  busa  naligsan  kini  sa pangulahiang  ligid.

Miingon  si PO2 Serdena nga   dihang  nakamatikod   ang  pari   nga  nakaligis   siya  og bata iya  kining gitabang ug dali nga gihatod ngadto sa Cortes General  Hospital sa maong dakbayan apan gideklarar kini sa mga doktor nga dead on arrival.  Si PO2 Serdena  miingon nga si Padre Dayag nga mitahan sa ilang buhatan human sa maong insidente  temporaryo karon nilang gibalhog sa ilang detention cell  sa Police Station 1 sa maong dakbayan  ug nagpaabot  sa tukmang  kiha  nga  ipasaka  batok  kaniya  sa tagtungod  sa bata.  (BANAT NEWS)

Kaluoy sa bata. Kaluoy pud sa pari...

Quote from: hubag bohol on February 02, 2013, 08:45:52 AM
Matud pa ni PO2 Serdena  nga sa pagsulod nila    sa compound sa simbahan wala na guniti sa inahan ang biktima.

Wa lang jud unta buhii sa inahan...

kaluoy sab intawon....rip

kalooy nilang duha ... RIP

Kining 4 anyos bantayanan pa gyud ni ug gunitanan. Looya bitaw sa bata oi ug ni pader pud. grabeh jud siguro kaguol ni padre ani.

May the Lord God who is compassionate , whose mercy is eternal, accept the soul of the little boy into His Kingdom in Heaven. We also pray for the forgiveness of Fr. Lucio Dayag, may he be strengthened during this time. We also pray for the family and friends of the late Trisvaunche, may they be comforted and consoled by the Holy Spirit.

In Jesus Christ's Name, we ask and pray. Amen.

Requiem In Pacem.

Amen..