by Banat News
Andam nga modawat sa silot-kamatayon ang usa ka panday kinsa gikiha gumikan sa pagpanglugos og 8-anyos nga batang babaye didto sa lungsod sa San Fernando.
Matud pa ni SPO2 Victor Cuyno, desk officer sa San Fernando Police Station nga ang pamahayag sa biktima ug ang napamatud-an sa mga tinugyanan sa hospital nga na-rape ang bata, maoy labing makapalig-on sa kaso batok sa suspetsado.
Si Camilo Lagaras, 49, minyo, nga taga Pitalo, San Fernando mitahong malinawon sa iyang kaugalingon ngadto sa kapolisan sa San Fernando.
Si Lagaras kinsa usa ka panday nagtingkagol na karon sa prisohan sa lungsod ug ang kiha nga pagpanglugos gisang-at na sa hukmanan batok kaniya.
Matud pa ni Cuyno nga mikompisal ang suspetsado nga wala na siyay kalibotan kon giunsa niya ang bata gumikan sa iyang kahubog niadtong Domingo sa gabii.
Linkback:
https://tubagbohol.mikeligalig.com/index.php?topic=47578.0
