Usa sa mga ginikanan ang misang-at og petisyon sa korte aron babagan ang silot sa iyang anak apan bisan paman sa gipagawas nga TRO sa korte wala kini tahora sa STC tungod sa giingong depekto sa TRO.
Manaa pa o walay bond nga gimando ang korte magpabiling epektibo ang gipagawas nga TRO sa korte sumala pa ni kanhi Executive Judge Mienrado Paredes sa Regional Trial Court (RTC).
“Putting bond is within the discretion of the court if the defendant of the case asked for it,†pasabot pa niini, matud niya nga kinahanglan lang ang bond kung dunay preliminary injunction ug permanent injunction aron magamit sa gastos sa pagpatuman sa maong TRO.
Matud pa niini epektibo ang TRO sulod sa 20 ka adlaw gikan sa adlaw nga kini gipagawas, ang TRO usa ka kamandoan sa korte nga nagmando sa usa ka indibidwal, organisasyon o institusyon nga dili mohimo og dugang mga lakang.
Kini maoy pamahayag ni Paredes aron makuhaan og legal nga eksplinasyon ang pamahayag sa legal counsel sa Saint Theresa’s College nga si Romeo Balili bahin sa ilang baruganan pag-ban sa mga tinun-an sa graduation bisan paman sa kamandoan sa korte.
Human sa graduation niadtong Biyernes, mipatawag og press conference ang STC ug si Balili miingon nga depektibo ang TRO ug dili kini mahimong tahuron sa tunghaan.
Matud pa ni Balili nga nakahimo og “grievous act†si Judge Wilfredo Navarro sa RTC Branch 19 dihang wala niya pangayoi og bond ang petitioner, matud pa niya kung wala niini dili mahimong pugson ang STC pagtuman sa TRO.
Si Attorney Enrique Lacerna, ang abogado sa mga nagpetisyong tinun-an mibutyag nga mopasaka sila og kasong sibil ug danyos batok sa prinsipal sa STC nga si Sister Celeste Ma. Purisima Pe,ug mga opisyales sa maong tunghaan nga sila si Mussolini Yap, Marnie Racaza, Kristine Rose Ligot ug Edita Josephine Yu. Lakip sa ipasakang kaso mao ang kasong kriminal ugmang adlawa.
“Probably on Monday we will be filing criminal complaints against the school and its administration for child abuse and others before the Cebu City Prosecutor’s Office,†matud pang Lacerna sa The Freeman ang igsuong pamantalaan sa Banat News.
“We were not required by the judge to put up bond and in fact the defendants did not ask for it,†pamahayag usab ni Lacerna.
“If they ask for bond how much? I’m tired of this people…I’m sorry I say this,†dugang pa niini. Siya mihimakak usab sa alegasyon batok sa iyang kliyente ug gihagit niya ang maong tunghaan nga pamatud-an kini.
“It’s their burden to prove the same in court,†matud pa niini.
Gisuwayan og kuha sa iyang habig bahin sa pamahayag sa pikas kampo si Balili napakyas ang maong tinguha.(Uban sa report ni Mylen Manto sa The Freeman/EIM) (BANATNEWS)
Linkback:
https://tubagbohol.mikeligalig.com/index.php?topic=48949.0
