Ni Bryner Padilla, RUB (Banat) | Updated May 31, 2015 - 12:00am
CEBU, Philippines - Usa ka babaye gitabangan og patay sa 10 ka tawo nga nagmaskara tungod lang kay wala siya motug-an kun hain ang iyang kapuyo nga maoy ilang gipangita.
Natusaktusak sa mga bala ang kalawasan ni Sheryl Badayos, 27, taga Villa Mangga, Bulacao, Cebu City. Ang gipangita sa mga nagmaskara mao ang usa ka Rodel nga giingong maoy suspek pagpatay ni Orlando Abelgas, 50, nga matud pa bata-bata sa drug lord.
Si Badayos kauban ang iyang igsuon nga si Rochel ug usa pa ka kauban nag-inom diha nga miabot sa ilang gitagayan ang mga tawo nga nangutana asa ang kapuyo nga si Rodel.
Kay wala man g’yud motug-an si Badayos, gimandoan sa usa ka lalaki si Rochel ug ang kauban nga mopadaplin aron dili sila mapagan. Ila dayon nga gipusil si Badayos sa matag pangutana nga dili motug-an asa si Rodel.
Nakaangkon si Badayos og pinusilan sa iyang wala nga mata ug kalawasan nga maoy hinungdan sa iyang kamatayon.
Sari-sari nga kabhang sa mga bala ang nakaplagan sa kapolisan nga miresponde. Matud pa nga ang kapuyo ni Badayos gituohan nga maoy mipatay ni Abelgas kay matud pa usa kini ka “gun for hire.â€
Gituohan nga manimalos unta ang maong mga lalaki kang Rodel apan tungod kay wala man motug-an si Badayos kun asa makit-an ang iyang kapuyo, siya na lang ang gipahimungtan. (BANAT NEWS)
Linkback:
https://tubagbohol.mikeligalig.com/index.php?topic=80072.0
