Lakip sa mga pribilihiyo sa mga senior citizen mao nga duna silay 20 porsiyento nga diskwento sa ilang gipalit nga basic necessities, lakip na sa mga tambal, pagkaon ug uban pa.
Bisan sa panahon sa eleksyon, di na sila palinyahon ug andaman gani sila og kalingkuran sa mga clustered precincts.
Dinhi sa siyudad sa Sugbo, nagkadako sab ang ilang cash assistance gikan sa P2,000 ngadto sa P10,000 karong tuiga.
***
Apan daghan ang nagtuo ang pagpa-umento ni Cebu City Mayor Mike Rama sa cash assistance sa senior citizens nakatabang sa pagkapildi sa iyang kaatbang sa miaging eleksyon.
Mao ba kaha kini ang hinungdan nga gianam sa paglisud-lisod sa konseho sa siyudad sa Sugbo nga gidominahan sa Bando Osmeña Pundok Kauswagan (BOPK) nga lisud-lisuron ang mga senior citizen sa pagdawat sa ilang cash assistance?
Tiaw mo na, segun sa resolusyon ni Konsehal Lea Japson nga giaprobahan sa konseho niadtong Miyerkules, ang senior citizens sa siyudad nga niabot nag 80 anyos kinahanglan pang mopakita og tax declaration, electricity, water ug telephone bill kon gusto silang makadawat sa cash assistance gikan sa siyudad?
***
Linkback:
https://tubagbohol.mikeligalig.com/index.php?topic=73586.0
Topic: Pagdaugdaog sa senior citizens (Read 604 times)