Ni Bong Soriano (Banat) Updated September 08, 2011 12:00 AM
CEBU, Philippines - Mimenus karong tuiga ang produksiyon sa pabuto sa dakbayan sa Lapulapu kung itandi sa milabay’ng tuig.
Kini ang pamahayag ni Grace Pongasi usa sa legal nga tigama og pabuto sa barangay Babag dakbayan sa Lapulapu.
Matud pa ni Pongasi ang pagmahal sa chemical ug uban pang sagol sa paghimo og pabuto maoy usa sa hinungdan nga miminus ang mga orders niini gikan sa nagkadaiyang lugar sa Visayas ug Mindanao.
Gumikan sa kamahal sa mga sagol niini mahal usab ang ilang pagbaliya niini sa umaabot nga bulan sa Disyembre.
Kung itandi sa milabay’ng tuig 2010 miubos og 30% ang ilang kinitaan ug daghan usab ang maalkanse niini.
Sa dakbayan sa Lapulapu tulo lamang ka mga tiggama og pabuto ang gihatagan og permit sa kagamhanang lokal sa dakbayan diin usa na niini mao si Pongasi.
Kadtong walay mga permiso gikan sa dakbayan, Bureau of Fire Protection ug sa Firearms Explosives Security Agencies Guards Supervisory Section dili tugutang makapanghimo niini. (EIM)(BANAT NEWS)
Linkback:
https://tubagbohol.mikeligalig.com/index.php?topic=43398.0
