MikeLigalig.com

Ni Khacel Anne Diel Sanchez (Banat) | Updated October 22, 2014 - 12:00am


CEBU, Philippines â€" Gireklamo sa usa ka babaye ang iyang silingang Belgian human ang iyang iro balor og P70,000 ang giingong gihiloan sa barangay Maghaway, Talisay City. Ang tag-iya sa English sheep dog mao si Jaclyn Precious Vivar, 35-anyos, dalaga ug maestra kauban ang caretaker sa iyang balay ang ni-report sa kapolisan human ilang nakit-an ang maong iro nga wala na’y kinabuhi.

Sa inisyal nga imbestigasyon sa kapolisan nasayran nga nilakaw si Vivar padulong sa trabaho ug gibilin niya ang iyang iro kang Mario Sabal kinsa usa ka tanod sa barangay.

Matud ni Sabal nga human niya pakan-a ang iro, nibalik siya sa kusina apan iyang nakit-an si Jan Julius Verkoulen nga may gilabay ngadto sa iro.

Dali niyang gidagan ang iro ug gisuwayan pagkuha gikan sa baba ang ground beef nga gilabay ni Verkoulen.

Gipahibawo ni Sabal si Vivar sa panghitabo ug pag-abot niini sa balay, iyang nakit-an si Gom nga wala na’y kinabuhi.

Sa CCTV footage ilang nakompirmar nga si Verkoulen gyud ang nilabay og ground beef nga nakaon ni Gom. Daling gipahibawo ni Sabal ug Vivar ang kapolisan aron madakop ang langyaw apan wala nila nakit-i sa iyang gipuy-an.

Gipadayag ni Vivar nga iyang pasakaan og kasong kriminal si Verkuolen sa paglapas niini sa Republic Act 8485 kon ang Animal Welfare Act of 1998. â€" /GMR) (BANAT NEWS)

Ingon ani ang hitsura sa gihiloasn nga iro...