MikeLigalig.com

Gitataw ni P/SInsp. Verniño B. Noserale sa City Anti- Illegal Drug Special Operating Task Group (CAIDSOTG) nga si Singson nga maoy target sa operasyon makapalusot og daghan pas 200 gramos nga shabu matag semana.

“Although nagbase ni siya sa Looc, silay adtuon sa ilang costumers kay di man siya mobaligya og ginagmay,” butyag ni Noserale sa dihang nahinabi sa Sun.Star SuperBalita kagahapon.

Dugang niya nga ang labing gamay nga ilang ibaligya motimbang og singko gramos nga maoy sagad timbang sa usa ka medium pack nga shabu.

Paambit ni Noserale nga sa gidaghanon nga ma-dispose ni Singson nga drugas matag semana, mahimo ining suplayan ang tibuok dakbayan.

Atol sa operasyon, pito ka dagkong pakete, usa ka medium- sized nga pakete sa gituohang shabu ang nakuha gikan ni Singson lakip na ang boodle money nga P6,000, P5,000 nga gituohang kinitaan sa suspek, usa ka KG9 sub machine gun nga may 10 ka buhing bala ug mga drug paraphernalia.

Linkback: https://tubagbohol.mikeligalig.com/index.php?topic=80840.0

Laing nasikop mao ang iyang mga sakop nga sila si Ethel S. Intong, umagad ni Secretaria, Marcelo Intong, Regino Cabaluna, Jr. ug Albert Greg Delantar.

Ang operasyon pinasikad sa search warrant nga giluwatan ni Executive Judge Soliver Peras, matod ni Sr. Inspector Delfin Bontuyan.

Nakuha gikan sa mga suspek mao ang 235 ka gagmay nga mga putos ug usa ka medium nga putos nga motimbang og 20 gramos nga dunay Dangerous Drugs Board (DDB) value nga P236,000.

Laing nasakmit mao ang usa ka kalibre .38 nga revolver, usa ka kalibre .22 nga black widow, upat ka balas a .22 caliber, ug tulo ka balas a .38 kalibre ug P6,500 cash.
Kagahapon sa alas 5:25 sa hapon, nadakpan usab nila ni Bontuyan ang laing duha ka gikatahapang mga drug pusher nga sila si Ernesto Enero Monterola ug Joniel Carungay Ornopia sa ilang operasyon sa Hillside, Brgy. Talamban, dakbayan sa Sugbo.

Nasakmit gikan sa duha ang tulo ka gagmay nga putos, tulo ka dagkong putos sa gituohang shabu nga gibana-banang motimbang og 35 gramos nga dunay gibana-banang DDB value nga P413,000. Lakip sa nasakmit ang P400 nga gituohang halin.


Gipatik sa mantalaang SuperBalita Cebu Agosto 29, 2015.

Linkback: https://tubagbohol.mikeligalig.com/index.php?topic=80840.0