Ni Elias O. Baquero ug Jill B. Tatoy
Tuesday, April 23, 2013
NAGTANYAG si Mayor Hermenigildo Betonio sa Pio V. Corpus, Masbate og P200,000 alang sa pagkasikop sa tawo nga nipatay sa iyang live-in partner sa V. Sotto st., Siyudad sa Sugbo niadtong Abril 15.
Si Betonio niingon nga nangita siya og hustisya sa kamatayon sa iyang kapuyo nga si Crisanta “Maymay†Lauro, 39, kinsa upat ka buwan nga mabdos sa ila untang unang anak.
Ang mayor niawhag sa PNP, National Bureau of Investigation (NBI), Cebu City Government ug Cebu Provincial Government motabang kaniya sa pag-ila sa utok.
Matod sa kapulisan nga nakakita sila og bag-ong saksi.
Bag-ong cartographic sketch ang gihimo sa kapulisan base sa paghulagway sa bag-ong saksi sa gunman.
“We already have the location of the new alleged suspect but we will still develop it for more background,†nagkanayon si Acting Cebu City Police Office Director Mariano Natuel Jr.
Siya niingon nga ang bag-ong saksi nagbarog duol sa dapit diin nahitabo ang pagpamusil.
Nipasabot siya nga di pa sila makapasaka og kaso kay wa pa silay ngan sa gunman ug background niini.
Linkback:
https://tubagbohol.mikeligalig.com/index.php?topic=72180.0