SuperBalita Davao
Ni Jeepy P. Compio
Saturday, July 13, 2013
DAVAO CITY - Usa ka priso ang gipusil-patay human nakapiyansa alas 4:35 sa hapon niadtong Biyernes.
Ang insidente natigayon sa Topaz Street, McArthur Highway, Barangay 74-A, Matina Crossing ning siyudad.
Namatay mao si Arnel Alfonzo Manug, alyas Jaguar, 33, minyo, self-employed ug residente sa Cristina Village, Barangay Matina Aplaya.
Pinasikad sa spot report sa Talomo Police Station nasayran nga napriso si Manug gumikan matud pa nanghasi sa ilang dapit ug gipasakaan ug kaso.
Niadtong adlaw'ng Huwebes, gi-inquest si Manug ug mipiyansa hinungdan gibuhian sa kapulisan sa Talomo police base sab sa release order sa korte.
Uban sa biktima sa paggawas sa selda sa Talomo Police Station ang tulo niya ka mga higala ug namaklay lang gikan sa police station.
Apan pag-abot nila sa kanto Topaz Street sa maong dapit, kalit lang nga giduol ang biktima sa usa ka lalaki ug dayon pusil kaniya.
Linkback:
https://tubagbohol.mikeligalig.com/index.php?topic=73862.0
