Usa ka David Santos, matud pa, maoy mitunol sa iro ngadto sa mga nahisgutan sa dihang napatay kay gibunalan sa dihang nakapaak sa bata ug sa usa ka panday.
Matud pa sa nahagpat nga impormasyon sa MHO nga gihimong pulutan sa mga nahisgutan ang iro.
Kahibaloan nga niadtong milabay'ng semana, gidali pagdala sa General Santos City District Hospital ang 10 anyos nga si Ian Rey Taytayan human makasinati og pagkurog-kurog, paglaway tungod sa rabies.
Apan matud pa sa resident doctors sa ospital nga anaa na sa stage 4 ang rabies nga mitakboy sa bata, hinungdan nga wala na kini matabang pa.
Bugtong awhag ni Dr. Arvin Alejandro, provincial health officer, nga angayang mabakunahan ang walo ka mga tawo labi na ang mikatay sa iro batok sa rabies tungod posibleng kontanimado usab sila sa rabies.
"Ang delikado man god ana sa mga tawong nakakaon sa giihaw nilang iro kung may mga open wounds sila segurado gyud na. Dapat man god basta nakapaak ang iro, di gyud na hilabtan, obserbahan sa tigtungod og pila ka adlaw," tambag ni Alejandro. (Emir C. Bariquit)
Gipatik sa mantalaang SuperBalita Davao Hulyo 18, 2015.
Linkback:
https://tubagbohol.mikeligalig.com/index.php?topic=80554.0
