MikeLigalig.com

Wala pa ring nakikitang rason si Senate majo­rity leader Vicente ‘Tito’ Sotto III para humingi ng dispensa o mag-isyu ng public apology sa usapin ng ‘plagiarism’.

Ito ay makaraang kumalat sa internet ang sinasabing sulat ng anak ni slain US Sen. Robert F. Kennedy na bumabatikos at humihingi ng apologies mula sa senador sa diumano’y “flagrantly and deceptively plagiarized RFK’s 1966 Day of Affirmation Speech.”

Ang sulat ni Kerry Kennedy, anak ng pinaslang na US senator at pangulo ng RFK Center for Justice and Human Rights, na kalat na sa internet ay nagmistulang panibagong apoy sa reklamo ng mga US bloggers laban sa pangongopya diumano ni Sotto sa kanila.

Sa pagkakataong ito ay nagbabanta na ang grupo na sasampahan ng e­thics complaint sa Senado si Sotto kung patuloy na magmamatigas sa hinihingi nilang ‘public apology’.
“Public apology? For what? That’s not true,” sabi pa ni Sotto.

Buwelta pa nito, “Ano ‘yan eh what do you call this, rehashed. Pinag-usa­pan na natin ‘yan nu’ng September, you are being manipulated,” pahayag ni Sotto sa panayam kahapon.

Sinabi pa ng senador na aktibo ring TV host na may impormasyon silang natanggap na isang Canadian group ang nagmamanipula ng lahat ng ito sa pamamagitan ng internet kaya hanggang ngayon ay wala siyang natatanggap na formal communication patungkol dito.

“I have not received official communication to that effect other than that ako pa magiging talking head nila para magkaroon sila ng news. Excuse me!,” anang senador.

“Hangga’t walang official, I will not make any comment. Baka imbento lang ‘yan ng mga afficionado, mga manipulator sa internet,” dagdag pa nito na hindi naman tinukoy kung sino ang Canadian group na ito na nagmanipula ng mga lumabas na balita laban sa kanya.

Sa kumalat na sulat diumano ni Kerry Kennedy, isang bahagi nito ang nagsasabing, “I am particularly offended to see a speech my father gave in support of global human rights distorted by Senator Sotto as an argument against the right to contraception.”

Saklolo naman ni Se- nate President Juan Ponce Enrile kay Sotto, “We cannot be questioned for what we say inside this Chamber anywhere, not because we are a special breed but because that is the immunity given by the sovereign people so that we can speak on any subject under the sun. There’s a major, national, sovereign policy.”




Linkback: https://tubagbohol.mikeligalig.com/index.php?topic=57665.0