SuperBalita Cebu
Sunday, November 3, 2013
NISANGKO sa duguong hitabo ang kaalegre sa panag-inom sa kalalakin-an human usa ka babaye ang gipusil sa iyang silingan ug namatay dihang nireklamo ang biktima sa kasaba sa grupo sa Barangay Mambaling, dakbayan sa Sugbo niadtong Sabado sa gabii.
Ang biktima mao si Rubelyn G. Binondo, 19, molupyo sa dapit, namatay tungod sa tulo ka mga samad sa bala sa armas sa iyang dughan, sumala sa kapulisan.
Si SPO4 Alex Dacua sa Homicide Section sa Cebu City Police Office (CCPO) nagkanayon nga nahitabo ang pagpamusil sa alas 8:45 sa gabii dihang usa ka Raymund Quipte, 31, nag-inom uban sa iyang mga higala sa dapit.
“Gibadlong sila ni Binondo kay gisabaan,†matod ni Dacua sa Sun.Star Cebu.
Ang mga kainom ni Quipte nialegar nga gilabay sila og bato sa biktima nga nakapaaghat sa pagkomprontase sa suspek ngadto sa biktima.
Dihang niabot sa balay sa biktima, si Quipte, giiÂngon nibunot sa iyang armas ug nipusil kang Binondo sa makadaghang higayon.
Sumala sa imbestigador sa kapulisan, ang biktima nakahimo pa sa pagdagan apan giusban sa pagpusil sa suspek hinungdan nga nahagba na kini.
Si Binondo gidali pagdala sa ospital sa iyang kabanay ug mga higala apan namatay kini sa wala pa moabot sa tambalanan.
Dihang nitubag sa alarma ang kapulisan, nakasibat na ang suspek. Nakuha gikan sa dapit nga nahitaboan mao ang kabhang sa .38 revolver.
Atol ning pagsuwat, ang suspek gipangita pa ug padayon ang ilang pag-imbestigar sa maong kaso. Samtang giandam na ang kaso batok sa suspek base sa reklamo sa kabanay sa biktima. (Sun.Star Cebu)
Linkback:
https://tubagbohol.mikeligalig.com/index.php?topic=76520.0
