Ni Guam P. Logroño
Friday, June 15, 2012
NABUNGKAG ang kinatawo sa usa ka negusyante human maigo sa bala sa pusil dihang gi-ambusan siya sa
naka-full face helmet nga gunman kagahapon sa alas 5 sa buntag sa mga eskina sa Sitio Lunas ug Sitio EE,
Barangay Kawit, lungsod sa Medellin, Sugbo.
Talandugon ang kahimtang ni Isedro Rosales, 39, minyo, taga Barangay Maharuhay sa mao nga lungsod,
tag-iya og tindahan sa Agrivet sa nahisgutang luÂgar human naigo sa bala ang iyang kinatawo.
Naangol ang iyang helper nga si Benjie Boy Martinez, 13, kinsa samdan sa walang tiil.
Nakalingkawas ang lain niyang helper nga angkas.
Si PO3 Pacquito Son, desk officer sa Medellin Police nga nahinabi sa Sun.Star Superbalita, nagkanayon nga
ang negusyante nagmaniho sa iyang motorsiklo sakay ang duha ka mga helper.
Sa pag-abot nila sa maong dapit, kalit sila nga gipusil makaupat ka mga higayon sa wa mailhing tawo nga
nag-full face helmet, mubo, tambukon, nagsul-ob og orange nga t-shirt, dark shorts ug pants.
Human ma-igo ang mga biktima, ang gunman daÂÂling nisibat sakay sa gi-parking nga motorsiklo (scooÂter) nga dunay
color combination nga itom ug puÂÂwa nga nipaingon sa habagatang bahin sa Sugbo.
Ang mga biktima gidali sa pagdala sa provincial Hospital sa dakbayan sa Bogo, apan gibalhin sa tambalanan dinhi sa dakbayan sa Sugbo.
Si Chief Insp. Laurel Almerante, hepe sa Medellin Police, nagkanayon nga nagsintro ang ilang imbestigasyon sa land dispute.
Ilang nahibaw-an nga ang biktima ug ang iyang uyoan nagkaaway sa binahinay sa yuta hinungdan nga ang uyoan ilang
giduaw kagahapon, kinsa ni-deny nga may kalambigitan siya sa ambush.
Apan pabilin gihapon nila nga gilakip sa imbestigasyon.
Gawas niini, duna silay laing anggulo sa krimen nga ila pang gisubay ug di lang una ikabutyag sa publiko.
Gipadayag niini nga ang biktima conscious pa dihang gidala sa sa tambalanan dinhi sa dakbayan sa Sugbo.
Dunay mga testigos nga nakakita sa gunman nga nag-text-text pa sa wa pa ang krimen apan maglisod sa pag-ila niini sanglit naka-full-face helmet.
Gipatik sa mantalaang SuperBalita Cebu Hunyo 16, 2012.
Linkback:
https://tubagbohol.mikeligalig.com/index.php?topic=51367.0
Topic: Negusyante gipusil; kinatawo nabungkag (Read 985 times)