SuperBalita Cebu » Balita
Ni Guam P. Logroño
Sunday, April 27, 2014
PATAY ang 62 anyos nga dalagang guwang human nadasmagan sa naghaguros nga Ceres Bus dihang kalit nga nitabok sa dalan kagahapon sa ala 1:00 sa kaadlawon sa Barangay Li-ong, lungsod sa Dumanjug.
Si Dolores Banilad, taga Barangay Bugas, sa lungsod sa Badian, namatay human naligsan sa Ceres bus nga may temporary nga plaka 0712 gimaniho ni Casiano Resurreccion.
Si Resurreccion, kasamtangang gitanggong samtang gihikay ang tukmang kasong ipasaka batok niini.
Si PO1 Dave John Paunillan, desk officer sa Dumanjug Police nga nahinabi sa dySS Super Radyo/Sun.Star Superbalita, nagkanayon nga ang Ceres Bus gikan sa dakbayan sa Sugbo, sa pag-abot sa nahisgutang lugar nakurat ang driver kay kalit nga milabang si Banilad, hinungdan nga nadasmgan.
Linkback:
https://tubagbohol.mikeligalig.com/index.php?topic=78217.0
