http://www.sunstar.com.ph/Tuesday, May 19, 2015
Ni JEEPY P. COMPIO
DUHA ka babaye ug duha ka lalaki ang dungan nga gidala sa San Pedro Police Station human nasakpan sa kapitan nga nagpares-pares ug nag-agulo sulod sa menteryo sa San Pedro Cemetery, Circumferential Road, Barangay 9-A, Poblacion, Mayo 17.
Si Barangay 9-A Kapitan Roderico Antor Llubit Jr. ang midala sa upat ka mga batan-on aron ipatala sa presinto ang ilang gihimo.
Base sa taho sa kapolisan sa San Pedro, nasayran nga ang tulo nagpangedaron og 18-anyos samtang ang usa 24-anyos kinsa pulos tindero ug crew sa Bankerohan Public Market.
Matod sa taho nga nag-ronda si Llubit uban ang iyang team sa Barangay Protection and Order Unit ug ilang namatikdan nga adunay usa ka motorsiklo gawas sa sementeryo, mao nga gitan-aw nila ang ngiob nga dapit.
Sa pagduol nila, nagatuo si Llubit nga usa kini ka minatay nga milagrong nabuhi apan duha diay ka paresan nga naggakos ug samtang nag-agulo ang tingog.
Wala hinuon gikabutyag sa taho kon gisaw-an sa upat ang lawasnong buhat taliwala sa mga lubong apan dako ang ilang pagtuo nga naghilawas ang duha ka paresan kay ilang nadungog ang ilang mga agulo.
Ang upat gipapauli sa mga polis samtang ang motorsiklo nga ilang gigamit gikustodiya ngadto sa kapolisan gumikan wala sila’y ikapakita nga papeles niini.
Linkback:
https://tubagbohol.mikeligalig.com/index.php?topic=79981.0
