MikeLigalig.com

Ni Alger Dura
Sunday, March 3, 2013
http://www.sunstar.com.ph/


TULO ka mga bata ang nalitson dungan sa pagkaugdaw sa ilang gipuy-ang balay nga nasunog alas 11:45 kagahapon sa buntag, Dominggo.

Ang sunog nahitabo sa #77 Alley, General Malvar, Barangay 7-A Poblacion, siyudad sa Davao.

Namatay mao si Jerome Aguas, 7, ug iyang mga igsuon nga sila Rose Mae, 6, ug Roselyn, 1.

Si Roger, amahan sa mga biktima, nagbutyag sa Sun.Star Davao SuperBalita nga nahurot pagkamatay ang ilang anak tungod kay natulog sila sud sa ilang balay dihang misilaob ang kalayo.

"Gibilin ni sila sa akong asawa kay nagpalit siya og ilang miryenda mao nga wala sila naluwas," suma ni Roger nga nahinabi sa tigsuwat.

Si Lorna May, inahan sa mga bata, nagbutyag samtang naghilak nga wa siya nagdahum nga mahitabo kadto sa iyang mga anak sanglit dali lang kaayo siya sa tindahan.

Linkback: https://tubagbohol.mikeligalig.com/index.php?topic=70835.0

DAVAO. Naghilak ang inahan human naugkat ang patay nga lawas
sa mga bata nga nasunog didto sa General Malvar, Barangay 7-A
Poblacion, siyudad sa Davao kagahapon sa buntag. (Jeepy P. Compio)


Dugang ni Orilla nga nagpasalamat siya nga nakapailawom sa training sa pagsumpo sa sunog ang mga molupyo sa lugar tungod kay napawong dayon ang kalayo.

"Nag-training ni sila last week. So, sila na ang mi-respond dayon dinhi, ilang gipang-rescue ang mga tigulang," suma ni Orilla.

Mga biktima gihaya karon sa Angel Funeral Homes samtang gihan-ay ang hinabang pinansiyal sa barangay pinaagi sa City Social Services and Development Office. (Alger Dura/Jeepy Compio)

Linkback: https://tubagbohol.mikeligalig.com/index.php?topic=70835.0