Ni JEEPY P. COMPIO
GIKATAKDANG mag-atubangay sa barangay ang ulitawo ug dalaga nga mag-boardmates human sa giingong pagpamaklad sa lalaki ngadto sa dalaga samtang naligo sud sa banyo.
Nahitabo ang insidente sa usa ka boarding house didto sa Waling-Waling Street, Barangay San Antonio, Agdao District, dakbayan sa Davao.
Alas 10:00 sa gabii, Huwebes, nagpa-blotter sa Sta. Ana Police Station si alyas Joice, 26, kay iyang nakita nga milutaw ang kalimutaw ni alyas Spencer, 27, sa bangag sa banyo nga giayo diay siya'g lili samtang naligo.
Subay sa blotter nga natala sa presinto uno, nasayran nga hubo tanan si Joice nga naligo sud sa hayag nga banyo diin sa iyang pagpanglugod, nakuyawan na lang siya nga dunay mikisaw ug nag-uyog-uyog sa kilid sa banyo.
Sa gamay nga bangag, nakita sa babaye ang pagbudlat sa mata ni Spencer nga milili kaniya.
Kalit niya kining gigawas, ug mikaratil og dagan ang ulitawo padung sa iyang kuwarto.
Nauwaw ang ulitawo ug wa na kini migawas sa iyang kuwarto, butang nga nagpa-blotter ang dalaga ug giingong nagdala og pulis sa boarding house.
Pag-abot sa ilang girentahan, wa na igkita si Spencer, diin suma sa pulis ipatawag na lang kini sa barangay aron didto sila maghusay.
Gipatik sa mantalaang Superbalita Davao Desiembre 12, 2015.
Linkback:
https://tubagbohol.mikeligalig.com/index.php?topic=81568.0
Topic: Nasakpan ang namoso sa dalaga kay nakit-an sa bangag ang budlat nga mata (Read 1019 times)