Ni KRIS C. SIALANA
WALA nay ulo nga napalgan ang nadugta na nga patay nga lawas sa usa ka wala mailang lalaki niadtong Lunes sa buntag sa Isla de Oro, Barangay 13, dakbayan sa Cagayan de Oro.
Ang patay nga lawas diin giingong nadugta na ug halos pipila na lamang ka mga bukog ang narekober nga wala nay ulo. Nasutang patay nga lawas kini sa usa ka tawo tungod sa sando nga anaa pa sa lawas ug dark nga short pants.
Sa impormasiyon gikan sa Police Station 1 (PS1) sa Divisoria, nasayran nga napalgan nila Johnson Solindaw, 23 nga taga Imbatog, Bukidnon ug ang kauban nga si Roldan Dolona, 27 human nga nakatimaho og dili masabot nga baho sa dapit samtang nanguha og water lily sa suba.
Gisulayan nila kini sa pagpangita og nasutang usa kini ka nadugtang patay nga lawas ug halos katunga na lamang kini sa riverside sa dapit nga naglutaw-lutaw.
Wala na kini girespondehan sa Scene of the Crime Operatives-Northern Mindanao ug gidala na lamang sa Bollozos Funeral Homes sa Bulua aron didto na lamang sutaon ang patay nga lawas tungod na usab sa dili na maayong baho niini.
Sa pagsulat niini nga balita, ang patay nga lawas ang pabiling walay identipikasiyon gumikan kay lisod kining ilhon tungod kay gawas sa wala na kini ulo nadugta na usab kini pag-ayo.
Gipatik sa mantalaang Superbalita Cagayan de Oro Mayo 18, 2016.
Linkback:
https://tubagbohol.mikeligalig.com/index.php?topic=82285.0