Sa pagsugod, unom ka mga panday ang nagtrabaho ug nahimong tulo hangtod nga usa na lang ka tawo.
Kagahapon sa hapon ang kapulisan sa Minglanilla niimbitar sa tulo ka mga panday sa managhaling lugar kansang ngan wala lang una gibutyag ni Gadingan sanglit nagpadayon pa sila sa ilang imbestigasyon.
Matod niya nga posible nga usa sa mga panday ang nihimo niini tungod kay base sa ilang nakuha sa Facebook ni Virginia nga kini adunay utang ug mao pa ang nasuko.
Ilang gisusi kon wala ba lugosa ang mga biktima sanglit gikataho nga wa nay underwear ang bata samtang ang inahan naus-os na ang shorts, samtang na wala na usab ang pipila ka butang sa mga biktima sama sa cellphone, kuwarta ug uban pa.
Gani ang mga silingan sa namatay nibutyag nga nisulti kanila ang inahan nga ang maong panday utangan og P25,000.
Tulo ka mga panday nga sila si Manuel Labrador, 34; Estelito Ricamora, 58; ug George Baquiran, 47, gidakop ug gibilanggo sa Minglanilla police station.
Sila si Manuel ug Estelito nagtinukmoray na kinsa kanila ang nibuhat sa krimen.
Ang bana ni Virginia nga si Robert Sharpe, usa ka British national, moabot na unta sa nasud karong buwana apan nauswag hangtod sa sunod buwan hinungdan nga gihimo ang dinalian nga pagtrabaho sa ilang balay.
Gipatik sa mantalaang SuperBalita Cebu Agosto 21, 2015.
Linkback:
https://tubagbohol.mikeligalig.com/index.php?topic=80789.0
