Author Topic: Nanunggab, mi-hostage, nanunggab pa gyod, gipusil na lang, patay (Read 956 times)

hubag bohol · « **on:** June 13, 2014, 08:55:23 PM »

SuperBalita Cebu
Ni Jonathan F. Tumulak
Thursday, June 12, 2014

LALAKING gituohang sabog sa ilegal nga drugas napatay sa usa ka pulis nga nisuway pag-neutralize kaniya samtang nagsige siya og dunggab sa makadaghan sa babayeng giingon nga iyang gi-hostage kagahapon sa buntag.

Giingon nga napugos si PO1 Junrey Tagalog, sakop sa Talamban police station sa Cebu City Police Office (CCPO) sa pag-usab og pusil kang Erickson Malate, 28, taga Tan-awan, Leyte, kay bisan iya nang napusilan sa tiil, nagsige gihapon kini pagdunggab kang Gemmary Lanza, 20.

Sa wa pa siya giingong nang-hostage, si Malate nakadunggab na og laing mga kabanay ni Lanza nga nitambong sa haya sa sityo Proper sa Barangay Paril, bukirang dapit sa dakbayan sa Sugbo.

Si Malate suluguon sa tawo nga gihaya.

Linkback: https://tubagbohol.mikeligalig.com/index.php?topic=78500.0

hubag bohol · « **Reply #1 on:** June 13, 2014, 08:56:13 PM »

Una niyang gidunggab mao ang managsuon nga sila Salome Wagas, 50, kinsa samdan sa iyang ulo ug si Isidro Wagas, 55 , samdan sa iyang dughan.

Sunod niyang gidunggab giilang si Leo Lanza, 35, samdan sa iyang bukton ug buko-buko.

Si Tagalog nga nahinabi sa Sun.Star SuperbaliÂta nagkanayon nga gipahibawo na siya sa barangay tanod nga dunay adunay alarma sa dapit.

Dali siyang niresponde ug sa iyang pag-abot sa lugar, gidala na sa tambalanan ang managsuon nga Wagas ug Lanza.

Iyang nasayran sa mga kabanay ug mga silingan nga diha gawas sa balay ang suspek ug ang mga biktima dihang nag-wild si Malate.

Matod niya nga ang mga tawo nisulti kaniya nga kalit lang nga nanghasi si Malate ug gipamuak ang mga botilya, apil na ang mga botilya nga gisudlan sa mga kandila.

Gipugngan siya sa mga biktima, apan nikuha kini ug buak nga botilya nga gisudlan sa kandila.

Sa kalit lang, iyang gipanunggab ang mga biktima.

Linkback: https://tubagbohol.mikeligalig.com/index.php?topic=78500.0

hubag bohol · « **Reply #2 on:** June 13, 2014, 08:56:39 PM »

Human sa pagpanunggab, iyang gipamiyaan ang tulo ka mga biktima ug nisulod sa balay ang suspek dayon nidiretso sa lawak ni Gemmary.

Naalarma ang mga silingan mao nga gipahibawo dayon ang mga barangay tanod nga mao say nipahibawo kang Tagalog.

Si Tagalog niingon nga sa iyang pag-abot, nanirado sa kwarto ang suspek uban kang Gemmary.

Aron makita unsay gibuhat sa suspek, ilang giguba ang bintana sa maong lawak.

Didto nakita ni Tagalog nga gidunggab dunggab sa suspek si Gemmary gamit ang buak nga botilya.

Aron moudang, iya kining gipusil sa tiil ginamit ang iyang service firearm nga Armalite rifle.

Apan bisan kon samdan human maigo, wa kini mohunong ug nihana na hinuon sa pagduslak sa liog ni Gemmary hinungdan nga iyang kining giusban sa pagpusil tumong sa dughan.

Ang suspek nga naigo nahagba ug namatay.

â€œMaoy ilang ingon, Sir, sabog man kuno tong bataa,â€ asoy ni Tagalog sa Sun.Star Superbalita.

Linkback: https://tubagbohol.mikeligalig.com/index.php?topic=78500.0

hubag bohol · « **Reply #3 on:** June 13, 2014, 08:58:26 PM »

Aron moudang, iya kining gipusil sa tiil ginamit ang iyang service firearm nga Armalite rifle.

Apan bisan kon samdan human maigo, wa kini mohunong ug nihana na hinuon sa pagduslak sa liog ni Gemmary hinungdan nga iyang kining giusban sa pagpusil tumong sa dughan.

Ang suspek nga naigo nahagba ug namatay.

Tsk, tsk, tsk...

Linkback: https://tubagbohol.mikeligalig.com/index.php?topic=78500.0