Author Topic: Nanghinol og dughan namatay kay naunay  (Read 636 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Nanghinol og dughan namatay kay naunay
« on: August 23, 2016, 03:36:15 PM »
Ni Jojo C. Ugdol (Banat) | Updated August 23, 2016 - 12:00am


CEBU, Philippines - Namatay ang usa ka 36 anyos nga lalaki nga gireklamong nanghinol og dughan ug misuway og bitad sa usa ka dalaga ngadto sa ngitngit dihang naunay kini sa iyang armas diha sa Sitio Taytayan, Brgy. Buhisan ning Dakbayan sa Sugbo pasado alas 7 sa nakalabay nga gabii.

Ang namatay giila nga si Benjamin Olipe, alyas Benjie, nagpuyo sa maong dapit kinsa nakaangkon og samad pinusilan sa iyang dughan nga gituohang naunay sa iyang armas.

Giimbestigar karon ang usa ka barangay tanod sa maong barangay nga si Norman Canencia, 54, nga giingong nakiglayog sa suspek atol unta sa pag-imbitar kaniya sa barangay hall.

Matud pa ni Police Officer 3 Winston Ybañez, imbestigador sa Homicide Section sa Cebu City Police Office nga nahinabi sa Banat News nga usa ka babaye ang nagpatabang sa barangay hall  ug mipasangil nga gihikap ang dughan ug gibunlot kini sa suspetsado paingon sa ngitngit.

Si Canencia giingong nag-duty niadtong orasa miresponde kuyog sa babaye ug giadto ang balay sa suspetsado.

Apan sumala pa ni Ybañez nga sa dihang gi-imbitar ang suspetsado nga pakuyogon ngadto sa barangay hall nasuko kini ug nanukmag.

Atol sa ilang komosyon giingong mibunot og armas ang suspetsado apan nakig-ilogay niini si Canencia ug tungatunga sa komosyon nibuto ang armas ug nahagba sa yuta ang suspetsado nga nakaangkon og samad sa dughan.

Human sa hitabo mitahan ang barangay tanod ngadto sa ilang barangay hall bitbit ang usa ka .357 revolver.

Si Ybañez miingon nga basi sa pamahayag sa inahan sa suspetsado miangkon kini nga tiggamitan og marijuana ang iyang anak.

Nasayran usab sa kapulisan nga ang suspetsado naapil sa listahan sa barangay sa mga nalambigit sa ilegal nga drugas.  (BANAT NEWS)

Linkback: https://tubagbohol.mikeligalig.com/index.php?topic=82689.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: