MikeLigalig.com

NAGPATALA sa kapolisan ang usa ka babaye batok sa nangawat sa iyang tanglad niadtong Dominggo sa Macapaya, Upper Camaman-an ning dakbayan sa Cagayan de Oro.

Ang nagpatala naila nga mao si Rosanna Arangcon, 27, minyo nga residente sa nahisgutang dapit samtang ang suspek nailang si Raul.

Sa nahipos nga report gikan sa Police Station 2 sa Cogon nasayran nga nagreklamo ang biktima human nga nasapon sa akto nga nangawat ang suspek sa tanom niini nga tanglad diha mismo sa likod nga bahin sa ilang panimalay.

Gikabutyag nga napungot na pag-ayo ang maong biktima gumikan kay una na niini nawala ang ilang kaldero diin susama nga suspetsado ang gituohang maoy nagkuha.

Sa pagsulat niini nga balita ang suspetsado ang kasamtangang nakatala na sa buhatan sa kapolisan ug giduso na sa Barangay Lupon alang sa tukmang disposasiyon. (KCS)


Gipatik sa mantalaang Superbalita Cagayan de Oro Hulyo 19, 2016.

Hmm, manok ug kapayas na lang ang kuwang...

Lami pud diay kon naay gamayng kamunggay...

wa ba kaha pod dudahi nga nangawat pod ug stove?

Sugnod ray gikawat, aron di mamatikdan...