GIREKLAMO sa usa ka ginang nga si alyas An-an, 30 anyos, molupyo sa Upper Puting Bato General Santos City ang iyang kaugalingong bana nga si alyas Toto, 31 anyos usa ka panday.
Si An-An nagkanayon nga wala siya magdahom sa maong hitabo apan
dugay na kini nakamatikod samtang magtext ang iyang bana ug ang ilang katabang nga si alyas Grace, 19 anyos, molupyo sa Malalag Davao del Sur sa iyang atubangan mismo apan dili siya motuo tungod kay misalig kini sa iyang bana.
Dugang pa sa asawa, kapin na sa usa ka tuig nga adunay relasyon ang ilang katabang ug iyang bana tungod kay niprangka ang iyang bana nga dili na siya sa iyang asawa.
Natingala ang asawa nga wala na kini miuli sa ilang balay.
Sa kalagot sa biktima milarga kini sa lugar sa kabit sa bana didto sa Malalag Davao del Sur ala 1:00 sa hapon niadtong January 4, 2010 ug nasaksihan niini nga nag-ipon na iyang bana ug kanhing katabang.
Lima ka bulang buntis na ang kabit sa iyang bana nga iyang nakit-an.
Dugang pa niini nga andam siya mopasaka og tukmang kaso sa iyang bana ug kabit.
Ang asawa gipahimangnuan na lamang sa kapulisan sa Tambler nga modangop didto sa kapulisan sa Malalag. (REX ANGGOT) - source: Brigada News
Linkback:
https://tubagbohol.mikeligalig.com/index.php?topic=41485.0
