Brigada News
GIHAPAK og bato sa wala pa mailhing suspetsado ang usa ka lalaki samtang nangape sa usa ka tindahan sa dalang Mabulay, Capitol compound, siyudad sa Cagayan de Oro.
Nakaangkon og dakong gisi sa nawong ang biktimang si Ramos Usep, 23, molupyo sa wa matinong dapit nga pabilin pang nagpaalim sa Northern Mindanao Medical Center (NMMC).
Nasayran gikan kuno sa iyang trabaho ang biktima ug pagkahuman mihapit kini sa tindahan aron mangape apan kalit lang siya gihapak og bato sa suspek mga alas 2:40 gahapon sa kadlawon.
Pakyas masikop sa kapolisan ang suspek human paspas misibat padulong sa wala matinong direksiyon.
Linkback:
https://tubagbohol.mikeligalig.com/index.php?topic=41056.0
