MikeLigalig.com

Sunday, June 28, 2015


KALIT nga nibutho sa agianan sa ulitawo ang lima ka mga lalaki ug gidunggab kini sa walay igong rason samtang pauli na gikan sa trabahoan diha sa Zone 1, Villanueva, Misamis Oriental.

Samad sa tuo nga bahin sa likod ug bun-og sa ubang parte sa lawas ang nahiaguman sa biktima nga si Jay-dee Baja, 21.

Sa nakuhang impormasiyon sa Sun.Star SuperBalita gikan sa balay tambalanan ning Dakbayan sa Cagayan de Oro, nasayran nga pauli na ang biktima kinsa nagbaklay apan sa paghidangat na sa dapit kalit kining giatangan sa wala maila nga mga lalaki.

Gitabangan ang biktima diin una kining gituok ug pagkatumba na niini, gidunggab human sa walay igo nga rason.

Daling mipalayo paingon sa wala matinong direksiyon ang mga lalaki samtang si Baja gibiyaang samaran. (KCS)


Gipatik sa mantalaang SuperBalita Cagayan de Oro Hunyo 29, 2015.