DAVAO DEL NORTE -- Nagkapuliki sagang ang usa ka inahan human gidabo-dabohan og bunal og palwa sa lubi sa iyang anak, alas dose sa udto, Sabado sa Visayan Village, siyudad sa Tagum.
Samdan sa nawong si Virgie (tinuod nga ngalan gitago), ug dali nga mipunit og batuta ug gipukpok sab ang anak nga si Bert, 40, molupyo sa maong dapit.
Samdan si Bert sa ulo ug likod ug parehong nagkadugo ang mag-inahan pagresponde sa kapulisan.
"Nasuko ko niya kay nag-inom siya," ni Bert sa SuperBalita.
Gipadala si Bert sa iyang inahan ngadto sa mga pulis aron ipapriso.
Apan nasuko ang inahan sa pulis kay di prisohon ang iyang anak ug dili dal-on sa rehab.
Mga pulis naglibog kay dili man usab mokuyog ang inahan aron mopasaka og reklamo sa kaugalingong anak.
Apan si Bert mi-insister nga isulod siya sa prisohan.
"Diha ko pikas sud, sir, kuyog sa mga guwapo," singgit ni Bert sa pulis.
Mi-order pa siya og baboy ug manok (lechon) aron iyang panihapon. (Domilyn Ramos Pico)
Gipatik sa mantalaang Superbalita Davao Enero 24, 2016.
Linkback:
https://tubagbohol.mikeligalig.com/index.php?topic=81771.0
