Usa ka bata nga anaa sa 5-anyos ang panuigon ang nalumos patay didto sa Lake Danao kagahapon, Hulyo 18.
Nakuhaan ug video sa usa ka netizen ang pagsuway sa unang mi-responde sa pag CPR sa bata. Miabot sab ang lifeguard ug misuway sa pagsalba sa bata apan napakyas kini.
Gidala ang bata sa Ormoc District Hospital apan gideklara kining dead-on-arrival sa attending doctor.
Si City Councilor Goito Yraztorza, isip Chairman sa Committee on Public Safety, mipatawag ug SP inquiry in aid of legislation kabahin sa maong insidente ug unsa ang mga lakang nga dili na mautro ang susama niining mga panghitabo.
Ang Lake Danao ubos sa pagdumala sa Protected Areas Management Board (PAMB), mao nga ang lokal nga kagamhanan sa Ormoc dili maka-imposar ug mga kaugalingong polisiya sa lugar kung walay pagtugot gikan sa PAMB.
Nagpadayon sab ang imbistigasyon sa kapulisan sa maong insidente.
Matod pa ni City Police Director Col. Nelvin Ricohermoso, sa usa ka interview, miingon nga human sa ilang imbestigasyon, muhatag sila ug rekomendasyon unsaon nga ma-improve ang serbisyo sa maong tourist destination ug ang kaayohan pa sa mga turista nga mudayo sa syudad.
Samtang ang mga ginikanan o guardian gipahinumduman nga magbinantayon sa ilang mga anak kung mangaligo aron malikyan ang mga insidente sama niini.
With info from SP Member Lalaine Marcos
* * *
Avail of easy and fast online loan at
www.tala.com Philippines
Linkback:
https://tubagbohol.mikeligalig.com/index.php?topic=122786.0
