MikeLigalig.com

SuperBalita Cagayan de Oro
Ni Stephanie Viovicente-Berganio
Friday, October 4, 2013


DAKO ang pagtuo sa pamilya nga gitigbas ug gituyo pagtabon sa yuta ang biktima nga namatay niadtong Huwebes mga alas 2:00 sa hapon sa lungsod sa Claveria, Misamis Oriental.

Si Police Superintendent Rogelio Labor, hepe sa Villanueva Police Station, niila sa biktima nga si Jeren Perez, hingkod ang edad, minyo, residente sa Claveria, ug nagtrabaho sa usa ka local government unit (LGU) sa susamang lungsod.

Gisaysay ni Labor nga mga alas 2:00 sa hapon dunay nanawag kanila nga adunay nahugno nga yuta sa dapit mao nga ilang girespondehan.

Paghidangat sa quarry area, nasuta sa kapulisan nga ang maong quarry gihimo sa LGU aron mobakbak og yuta sa dapit gamit ang backhoe nga gi-operate ni Mark Anthony Lusterio, nagpuyo sa susamang dapit.

Si Lusterio namahayag nga sa iyang pagbakbak, giingong kalit lang nahugno ang nagbukid nga yuta ug samtang nagpalandong sa likod nga bahin si Perez ug nahugnoan kini ug natabunan.

Tungod kay daw nalubong naman si Perez gikalot na sab kini sa backhoe.

Linkback: https://tubagbohol.mikeligalig.com/index.php?topic=75958.0

Giingon sa mga residente nga daw nakapatay ug samot sa biktima ang backhoe human naigo sa likod niini.

Matud sab ni Labor nga adunay posibilidad nga sa pagrescue niini, nasamad kini sa backhoe o ang ulo niini posibleng natagakan sa bato.

Dili kumbinsido ang pamilya, labina ang amahan niini, sa pagkakita nila sa patayng lawas ni Perez tungod kay daw ang samad niini sa likod nga bahin napikas ug daw agi sa tinigbasan. Naabhak sab ang ulo niini.

Gisuwayan pa og dala si Perez sa duol nga balay tambalanan apan dead on arrival kining gideklarar sa doctor.

Gipapriso sab sa amahan niini ang backhoe operator ug gikatakdang pasakaan og kasong reckless imprudence resulting to homicide.

Buot sab sa pamilya nga masuta gyod kung ang gikamatyan ba gyod niini ang pagkatabunan sa yuta o gitigbas kini tungod sa mga samad nga naangkon.

Sa pagsulat ning balita anaa na gidala sa punerarya ang patayng lawas samtang gihulat na usab nila ang resulta sa otopsiya nga gihimo Huwebes sa hapon.

Linkback: https://tubagbohol.mikeligalig.com/index.php?topic=75958.0