Ni Dennes R. Tabar
Sunday, April 13, 2014
AMAHAN gitanggong sa ConÂÂsolacion police station human gireklamo sa iyang asawa nga gimolestiya ang ilang duha ka mga menor de edad nga anak nga babaye labi na kon mahubog kini.
Ang suspek mao si Allan (tinuod nga pangan giÂpugngan sa pagpanalipod sa dungog sa duha ka bata), 42, taga sityo Riverside, Barangay PobÂlacion Oriental, Consolacion.
Si PO1 Socrates Borinaga nga nahinabi sa Sun.Star Superbalita, nibutyag nga una niini, ang asawa nisumbong sa kapulisan nga ang duha nila ka mga anak nga nagpangidaron og 11 ug 13 anyos gimolestiya sa suspek.
Matod sa asawa nga niadtong miaging adlaw, hubog nga miabot si Allan pasado na alas 2:00 sa kaadlawon ug mao nalay namat-an sa 13 anyos nga nagpatong na ang iyang amahan kaniya ug gihikap na ang pribadong bahin sa iyang lawas samtang gipahikap usab siya sa kinatawo sa suspek.
Nisuway sa pagpukaw ang biktima sa iyang manghod nga 11-anyos apan mao na usab unta ang hilabtan. Gumikan sa kahadlok, nikaratil kinig dagan palayo sa ilang balay.
Ang inahan nga nakahibawo sa hitabo daling nagpatabang sa kapulisan sa Consolacion ug gidakop ang amahan.
Sa imbestigasyon, nasayran nga makadaghan na kining gihimo sa suspek ngadto sa mga bata nga suwayan sila og lugos ilabi na kon mahubog, apan mahadlok lang silang mosulti ngadto sa ilang inahan.
Sa pagkakaron, ang suspek gitanggong na ug gikaÂtakdang pasakaan og tukmang kaso karong adlawa.
Linkback:
https://tubagbohol.mikeligalig.com/index.php?topic=78144.0
