MikeLigalig.com

Ni JEEPY P. COMPIO


USA ka 32-anyos nga ginang ang nagdagan nga wa nay panty tungod kay magpatabang sa iyang mga silingan human gisaka sa ilang silingang gituohan nga serial rapist didto sa Tugbok District, dakbayan sa Davao.

Ang insidente nahitabo alas 9 sa gabii niadtong Dominggo didto sa Barangay Balengaeng.

Subay sa impormasyon nga nakalap sa Sun.Star SuperBalita gikan kang Davao City Police Office spokesperson Chief Inspector Milgrace Driz, nasayran nga natulog ang biktima nga si Helen (basagon gitago sa SuperBalita), nagpuyo sa dapit.

"According sa mga silingan, migawas kining biktima nga wala nay pang-ubos nga suot, naka t-shirt nalang ug nagkadugo ang ulo," ingon ni Driz pinaagi sa telepono kagahapon.

Giingon nga alas 9 sa gabii nadunggan sa mga silingan nga dunay kasamok ug linagubo gikan sa balay sa biktima.

Alas 10 sa gabii, migawas ang biktima nga naghilak ug nagkadugo ang ulo nga nangayo'g tabang sa mga silingan.

Samtang nangayo og tabang ang biktima, miabot sab ang iyang bana nga nagpatabang nga madala ang asawa sa Southern Philippines Medical Center (SPMC).

Alas 11:45 kagahapon sa buntag, nasikop ang suspek nga si Bryant Liday, 33, nagpuyo sa ilang lugar.

Base sa impormasyon nga gihatag ni Driz, ang mga silingan nagsulti nga ang suspek kanhi miyembro sa New People's Army (NPA) nga gitawag nilang serial rapist sa ilang dapit.

Mismong ang asawa sab sa suspek nagsulti nga dunay mga higayon nga amung-amongan niini sa paglugos ang iyang mga anak.

Ang kapulisan naghulagway nga dunay pinaakan sa kamot ang suspek nga posibleng gipaak sa biktima atol sa panghitabo, apan wa pa kini gikompirma sa biktima sanglit di pa kini maistorya.

Sa kasamtangan, padayon ang pagbiripika sa kapulisan apan ang nadakpan miangkon sa iyang nahimong pagbunal og bato sa ulo sa biktima, apan ang paglugos wa kini miangkon.

Ang suspek gibalhog na sa selda sa presinto nuwebe, samtang ang biktima padayong giobserbahan sa mga doktor sa SPMC.


Gipatik sa mantalaang Superbalita Davao Abril 19, 2016.

kuyawa diay sa davao uy.  abi ba nakog gihurot na ning mga badlungon ni mayor duterte.

Hmm, naka-relate galing?

sorry, di gyod nako itug-an kinsay akong botaran nga presidente.

Unsa gud ni si Mr. Liday, super-hilig man diay og puday...

mirisi ang rapist. mantinir na lang ug underwear, phew. haraw maputlan.