SuperBalita Cebu
Ni Guam P. Logroño
Thursday, May 1, 2014
TUNGOD sa pagsige og selfie sa iyang cellphone, usa ka tinun-an sa kolehiyo sa nalumos sa sikat nga beach resort sa Barangay Talangnan, lungsod sa Madridejos, isla sa Bantayan naidtong Miyerkules sa ala 1:10 sa hapon.
Ang biktima mao si Josuel Carallas, 24, ulitawo, 1st year college sa SC-SIT ug taga Barangay Bunakan, Madridejos gianod sa kusog nga sulog tungod sa paghunas duol sa kantiladong dapit.
Si Insp. Roberto Hugo, hepe sa Madridejos Police, nagkanayon nga si Carallas nananghid sa iyang inahan nga si Enemecia nga maligog dagat uban niini ang iyang mga ig-agaw ug mga higala.
Ang biktima gikatahong nakainom sab uban sa iyang mga ig-agaw nga nangaligo sa beach nga nalingaw nga nag-video samtang naglangoylaÂngoy.
Ang mga kauban diha lang sa payag sa boardwalk niadtong higayuna dihang gikuhaag niyag video pero kalit nga misulod ang tubig sa dagat hinungdan nga naanod.
Nikapakapa ang biktima dihang nakit-an sa iyang mga ig-agaw ug barkada dayon kalit nga nahanaw sa ilawom sa dagat.
Wala sila magtuo nga nalumos kini kay makahibalong molangoy, gani nagtuo lang nag-komedya pero wala na kini motunga.
“Kumpiyansa lagi ni siya kaayo naamong sa pag-selfie-selfie samtang naligog dagat, nagsige sab sa pag-video sa mga kauban nga kusog kaayong sulog sa dagat kay padulong mohunas,†dugang ni Insp. Hugo.
Matod niini nga kantilado ang maong lugar pero wala magdahom sila kay makahibalong molangoy dihang wala na igkita nanawag sila'g diver nga mogamit sa compressor nakit-an kini usa ka oras ilawom sa dagat.
Gidali nila sa pagdala sa Bantayan District Hospital per o gideklarar sa mga doktor nga dead-on-arrival (DOA).
Si Insp. Hugo nagkanayon nga walay foul play ang kamatayon niini og disgrasya ang nahitabo sa biktima nga naglingawlingaw sa pagkaligo sa dagat.
Linkback:
https://tubagbohol.mikeligalig.com/index.php?topic=78234.0
