Ni Romeo T. Limpangog (Banat) | Updated September 9, 2015 - 12:00am
CEBU, Philippines – Patay ang maguwang nga gidunggab sa manghud sa sitio Dalinson, Tigbawan, Tabuelan alas 7 pasado sa niagi’ng Lunes sa gabii.
Si Senior Police Officer 4 Carlo Tancinco niila sa namatay nga si Meleniano Loon, 32, ug ang nagdunggab mao si Tanny Loon, 26, nagpuyo sa mao’ng dapit.
Gikan pa sa tibuok adlaw sa ila’ng pagpanguling ang managsuon ug nagkasabot nga mag-inom diin nahisgutan ang pagbahin sa mga sinako nga uling apan wala magkasinabot hinungdan sa panaglalis.
Matud ni Tancinco nga wala nakapugong si Meleniano sa kasuko hinungdan nga nikuha og sundang ug gitigbas ang manghud.
Si Tanny nakalikay hinungdan nga wala maigo ug dali nga nakaibot sa giluklok nga kutsilyo ug gihansakan ang wala’ng dughan sa maguwang hinungdan sa kamatayon.
Si Tanny dali hinuon nga nitahan sa kapolisan. – /GMR) (BANAT NEWS)
Linkback:
https://tubagbohol.mikeligalig.com/index.php?topic=80929.0
