Ni KRIS C. SIALANA
NAGDAGAN-DAGAN paingon sa buhatan sa kapolisan ang usa ka tinun-an human kalit nga gibunlot samtang nagbaklay niadtong milabay nga gabii sa Pabayo-Pacana Streets, dakbayan sa Cagayan de Oro.
Naila ang biktima nga mao si Donna (dili tinuod nga ngalan), 20, dalaga, tinun-an sa usa sa dakong tunghaan ug residente sa Corrales Streets ning dakbayan.
Sa nahipos nga report gikan sa Police Station 1 sa Divisoria gikabutyag nga nagbaklay ang biktima sa maong dapit dihang kalit lamang kining gibunlot sa wala maila nga suspetsado.
Giingong gibira ang ulo niini ug gilips-to-lips hinungdan sa kapungot sa maong dalaga.
Naningkamot ang dalaga nga makalingkawas ug nakadagan paingon sa Divisoria nga bahin.
Sagol kahadlok ug kapungot ang gibati sa maong dalaga hinungdan nga gipatala kini sa kapolisan aron nga mahatagan sa tukmang disposasyon.
Sa pagkakaron, nakatala na sa buhatan sa kapolisan ang maong insidente.
Gipatik sa mantalaang Superbalita Cagayan de Oro Septembre 08, 2016.
Linkback:
https://tubagbohol.mikeligalig.com/index.php?topic=82738.0
Topic: Nagbaklay, gibunlot, gigakos, gibira ang ulo dayon gi-lips-to-lips og pinaukob (Read 701 times)