Ni Romeo T. Limpangog/EIM (Banat) | Updated July 3, 2015 - 12:00am
CEBU, Philippines - Patay ang usa ka tawo nga biktima sa pagpangulata sa gikainom niining silingan sa Barangay Cubacub, dakbayan sa Mandaue sa miaging gabii ug ang suspetado nadakpan usab sa kapolisan.
Si Police Officer One Richie Codiñera sa Presinto 6 sa Mandaue City Police Office (MCPO) usa sa mitubag sa alarma miila sa namatay nga mao si Salvador Sanchez, 50.
Samtang ang nikulata kaniya mao si William Vega, 30, silingan sa biktima.
Matud pa ni Codiñera nga nag-inom ang duha kauban sa laing duha pa nila ka mga silingan apan nagkabikil hinungdan sa ilang panaglalis ug nagkasinukmagay hangtud natumba sa yuta ang biktima ug nakuyapan.
Gidala ang biktima sa Eversely Child Sanitarium Hospital apan si Dr. Ma. Antonette Socorro Alcantara mipahibalo nga namatay g’yud ang biktima.
Si Senior Police Officer 3 Gerson Rosende nga mihimo sa follow up operation sa maong hitabo dali usab nga misikop sa suspetsado ug nabalhog sulod sa ilang detention cell. (BANAT NEWS)
Linkback:
https://tubagbohol.mikeligalig.com/index.php?topic=80398.0