Motor natumbahan og lubi, 3 angol
TULO angol human matumbahan og punuan sa lubi ang usa ka motorsiklo didto sa Purok 1, Barangay Danao, Jasaan, Misamis Oriental.
Nilandig sa Northern Mindanao Medical Center (NMMC) sa Cagayan de Oro ang mga biktima nga giilang sila si Evonett Lavadan, 38; Zabeth Virginia, 51, pulos angkas ug drayber nga si Juvanie Maque, 21, pulos lumad sa maong dapit.
Matod sa report pauli na unta ang mga biktima sa ilang pinuy-anan apan dihang natumbahan og lubi ang ilang gisakyan mga alas 3:00 sa miaging hapon.
Pulos nakahiagom og mga pangus sa agtang, hubag sa nawong ug mga bun-og sa lawas ang mga biktima.
Linkback:
https://tubagbohol.mikeligalig.com/index.php?topic=41055.0
