MikeLigalig.com

Ni HERTY B. LOPEZ



Balikbalik ra.  Kining mga babayeng menor, sagad nagpanuigon og 12 anyos, gi-rescue sa kapulisan. Gipapamahaw sila og manok ug fries ni Tinago Barangay Captain Joel Garganera sulod sa Waterfront police station diin sila gi-detain.  Upat kanila mga mangunguot nga nagbalikbalik na sa mga police station. (Alan Tangcawan)


“DI nako ipakita sa akong anak unsa akong binuhatan.” Mao kini ang gi-asoy sa 17-anyos nga si Mabel, kinsa walo ka buwan na nga nagsabak sa labing una niini nga anak.

Usa si Mabel sa gi-rescue sa kapulisan niadtong milabay nga gabii kay usa siya sa grupo sa mga babaye nga nikuot sa cellphone sa usa ka kawani sa Command Control Center sa syudad sa Sugbo.

Si Mabel kinsa kapin sa tuig na nga naghimo sa maong dautang buhat nibutyag sa Sun.Star Superbalita nga nakadesisyon siya pagbuhat niini tungod kay nagbuwag ang iyang mga ginikanan.

Linkback: https://tubagbohol.mikeligalig.com/index.php?topic=81015.0

Ang hepe sa Waterfront Police Station 3 nga si Police Chief Insp. Jose Gesto nibutyag sa Sun.Star Superbalita nga nagsige na og balik-balik ang maong grupo sa ilang estasyon.

Duna na kini’y rekord sa susamang binuhatan di lang sa ilang estasyon lakip na ang ubang estasyon.
Modus sa grupo nga gamiton ang mabdos nga si Mabel nga maoy mobangga sa biktima unya tumban kini sa tiil ingon man dayon og kuot sa kauban sa cellphone o kaha sa pitaka.

Kagahapon, gipakaon ni Barangay Tinago Captain Joel Garganera ang upat ka mga babaye, lakip ang laing upat kinsa nahimong saksi o nitabang sa kapulisan.

Matod ni Garganera nga ang gihimo nila nga pagpang-rescue usa sa lakang sa syudad agi’g follow-up sa gihimo nila sa milabay nga adlaw sa mga menor sa Mahiga Creek ug sa mga taytayan sa Banilad ug Mabolo.

Matod ni Garganera nga kon pasagdan ug di buyagon ning mga bataa mahimo na unya kini nga labad sa syudad inig kadako niini.

Gitukod pa ang usa ka edipisyo alang sa mga menor sa Labangon.

Linkback: https://tubagbohol.mikeligalig.com/index.php?topic=81015.0