Author Topic: Miuli kay motabang sa tatang pagpamanday og sundang giluthang sa agtang, patay  (Read 517 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Ni KRIS C. SIALANA


IGO ang agtang sa usa ka lalaki human kini gipusil sa wala mailang suspetsado niadtong Biyernes sa gabii hinungdan sa hinanali niini nga kamatayon niad Kalingagan, Villanueva, Misamis Oriental.

Patay si Ramil Sagay, 26, minyo nga residente sa nahisgutang dapit.

Sa saysay sa amahan sa biktima nga si Jose sa interbyu sa radyo nga nibisita ang anak niini sa ilang dapit aron motabang sa pagpamanday og sundang apan kalit lamang kining gipusil sa wala maila nga mga suspetsado.

Giingong nakurat na lamang ang amahan sa dihang pauli na unta gikan nagpalit og ilimnong makahubog sa dihang nakadungog og buto sa armas.

Dako ang katingala sa dihang nakitang nagbuy-od na ang anak ug wala na’y kinabuhi human makaangkon og samad pinusilan diha mismo sa iyang agtang.

Blangko pa ang amahan sa motibo sa pagpatay sa biktima nga si Sagay tungod kay wala kini nasayod kung aduna’y kontra ang anak lakip na kung nahilambigit ba kini sa illegal nga kalihokan ilabi na ang ginadili nga druga diin mao’y init kayo karong mga panahona.

Padayon pa nga wala maila ang suspetsado sa maong pagpamusil ug wala pa usab masuta ang motibo niini lakip na ang klase sa armas nga gigamit.

Sa pagsulat niini nga balita ang patay nga lawas ang kasamtangang anaa na sa Bollozos Funeral Homes sa Bulua ning dakbayan sa Cagayan de Oro.


Gipatik sa mantalaang Superbalita Cagayan de Oro Hulyo 18, 2016.

Linkback: https://tubagbohol.mikeligalig.com/index.php?topic=82522.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: