MikeLigalig.com

(Banat) Updated September 23, 2012 12:00 AM
 

CEBU, Philippines - Usa ka patay’ng lawas sa usa ka babaye ang nakuha sa dagat sa   barangay Poblacion sa lungsod sa Carmen niadtong Biyernes sa alas 2:55 sa hapon.

Ang maong babaye nga lima ka tiil ang gitas-on ug morena ang pamanit, slim ang panglawas nagsul-ob og puti nga t-shirt nga may rebeteng green sa atubangan ug nagkarsones.

Matud ni SPO2 Danilo Laurente, desk officer sa Carmen Police dihang nahinabi sa Banat News nakit-an sa mga tawo ang maong babaye nga naglakaw daplin sa dagat ug nagpunay og yawyaw.

Sunod nalang nabantayan nga mihumod na kini sa taga liog nga bahin sa dagat ug nagkawaykaway. Ang mga tawo daling mipahibalo sa kapolisan apan mitidlom na kini ug dangtan 30-minutos nga pinangita nakit-an kini sa ilawom apan patay na.

Unsa kaha ang misteryo nga naglimin niining maong subo nga balita? Ipaambit ang inyong mga pangagpas, mga kauban...