MikeLigalig.com

Ni Romeo T. Limpangog/WC (Banat) Updated June 15, 2011 12:00 AM


CEBU, Philippines -  Nadakpan sa team sa mga barangay tanod ug mga polis ang usa ka suspetsadong mitulis sa usa ka tripolante sa usa ka tugboat nga gibaradero sa barangay Labogon, dakbayan sa Mandaue sa miaging gabii.

Ang nadakpan mao si Lemuel Pepito, 27, nga taga sitio Centro sa   barangay Labogon sa maong dakbayan nga may kaubang usa ka wala hiilhing lalaki nga nakasibat busa wala hidakpi.

Si SPO2 Danilo Barrita sa kapolisan sa Presinto 3 sa Basak Police Station sa Mandaue City Police Office (MCPO) miingon nga si Pepito maoy gitumbok sa biktima nga mitulis kang Roldan Tambis, 30, nga lumad nga taga Naval, Leyte ug temporaryong nagpuyo sa gibaradero nilang tugboat sa maong dapit.

Matud pa ni SPO2 Barrita nga ang biktima nanaug gikan sa gibaradero nilang tugboat   kay may paliton sa tindahan, dihang samtang naglakaw sa karsada kalit lang gisugat sa suspetsado ug gitionan sa iyang armas de fuego dayong deklarar nga       tulis.

Gikuha sa mga tulisan ang iyang cellphone nga nagkantidad og P9,000 uban sa iyang salapi nga wala matino ang kantidad .

Si SPO2 Barrita miingon nga dihang misumbong ang biktima ngadto sa mga barangay tanod sa maong dapit   gitabangan dayon kini sa kapolisan sa pagpangita sa suspetsado hangtod nga ila kining nasigpatan ug diha-diha ilang gisikop.

Sa pagkakaron nagpahayahay na sa prisohan ang maong suspetsado.  (BANAT NEWS) 

Nauli pa ba kaha ang natulis... 

Quote from: hubag bohol on June 15, 2011, 06:04:06 AM
Sa pagkakaron nagpahayahay na sa prisohan ang maong suspetsado.  (BANAT NEWS)  

Maayo kaayong mopakapin ning mga reportera...

 Tiklo! Abi nahog patay! 

nagpahayahay? gipamaypay tingali ang mga   papel de bangko 

Free board and lodging jud hinuon...