http://bisayanews.com/Updated September 13, 2014
COMVAL PROVINCE – Nagproblema karon ang usa ka misis gumikan kay nangatol ang iyang kinatawo human nangihi sa silong sa balay sa dulom nga gabii di pa lang dugay didto sa Barangay Diwalwal, lungsod sa Monkayo.
Si Francisco Rizardo, mas naila sa tawag nga Tatay Iko, 78, usa ka albularyo nga taga Purok 5, Barangay Lagab, lungsod sa Compostela, nagbutyag atol sa pakipaghinabi sa Sun.Star Superbalita nga usa ka misis nga nagpangedaron og 35 anyos nga taga Barangay Mt. Diwata sa lungsod sa Monkayo ang miabot sa iyang panimalay, nagpakitabang gumikan kay nangatol iyang kinatawo.
“Ang ingon niya, gabii siya nangihi sa silong sa ilang balay ug pagkabuntag, iya nalang namatikdan nga grabe nang katula sa iyang kinatawo,†pasiunang saysay ni Iko.
“Akong gitan-aw, gihiling ug giusisa, ug nakita nako nga nagsugod na paghubag ug pagbuliskad mao nga ako dayong gitambalan,†dugang ni Iko.
Suma niya nga nabuyagan sa engkanto ang babaye sanglit nangihi sa tungang gabii.
Pangagpas sa maong albularyo nga naihian sa maong babaye ang wa makit-i nga engkanto.
Agig silot, suma niya, nangatol ang kinatawo sa babaye apan naayo ra hinuon human sa pipila ka adlaw gumikan sa makanunayon niyang pagdapat sa tukmang tambal. (Dexter T. Visitacion)
Linkback:
https://tubagbohol.mikeligalig.com/index.php?topic=78986.0
