Wa pa gani matubag sa asawa ang maong pangutana, daling gisusi niini ang ilawom sa ilang katre.
“Sakpan gyud ka, Bay!†masuk-anong sudya sa bana uban sa pagsikad sa lalaki nag-ilis pa og sinina.
Wala makapugong sa iyang gibati, ang bana nidunggab og makadaghang higayon sa lalaki.
Base sa blotter sa kapulisan, ang biktima giila nga si Salvador A. Samar, 38, minyo, dunay usa ka anak ug lumad nga taga Carreta Village, Barangay Punta Princesa, dakbayan sa Sugbo.
Ang 27-anyos nga bana nagtrabaho isip maintainance staff sa usa ka kompanya sa MEPZ II.
Si Salvador nakaangkon og duha ka samad-dinunggaban sa bukobuko ug mga garas sa nagkadaiyang parte sa lawas ginamit ang usa ka tulo ka pulgada nga kitchen knife.
Misuway pa og ikyas ang biktima pinaagi sa paglayat sa bintana sa kwarto sa magtiayon
human sa insidente.
Human sa hitabo, nitahan sa kapulisan ang bana ug padayong nagpaalim sa tambalanan si Salvador.
Samtang sulod sa ospital, si Salvador nangayo usab og pasaylo sa iyang asawa bahin sa iyang pagluib niini.
“Pasayloa gyud ko kay nakasala gyud ko nimo,†pulong ni Salvador, sumala sa kapulisan sa Sun.Star Superbalita.
Linkback:
https://tubagbohol.mikeligalig.com/index.php?topic=79152.0
